ෂාරුක් ලෝකෙන්ම හතරට එයි!

විදෙස් මාධ්‍ය ලොව ධනවත්ම නළුවන්ගේ ලැයිස්තුව හෙළිදරව් කර ඇති අතර එහිදී ශාරුක් ඛාන් ලොව ධනවත්ම නළුවන්ගේ ලැයිස්තුවේ සිව්වැනි ස්ථානයට පැමිණ ඇත.

විනෝදාස්වාද ක්‍ෂේත්‍රයේ අතිවිශිෂ්ට සහ දක්ෂ නළුවෙකු බව ඔප්පු කර ඇති ෂාරුක් ඛාන් මේ වනවිට රුපියල් කෝටි 6,306 ක ශුද්ධ වටිනාකමක් ඇති ලොව ධනවත්ම නළුවෙකු ලෙස ඉස්මතු වී තිබේ.

සිනමාවට අමතරව, ෂාරුක් ඛාන් වෙළඳ නාමයන් සහ ව්‍යාපාරික ක්ෂේත්‍රයෙන් දැවැන්ත මුදලක් උපයාගෙන ඇති බව එම වාර්තා අනාවරණය කරයි.

සමස්තයක් වශයෙන්, ෂාරුක් වෙළඳ නාම 14 ක් වෙනුවෙන් පෙනී සිටී.

රෙඩ් චිලීස් එන්ටර්ටේන්මන්ට් නමින් නිෂ්පාදන ආයතනයක් ද ඔහුට ඇත.

Forbes සඟරාවට අනුව, ෂාරුක්ගේ සාමාන්‍ය ආදායම ඩොලර් මිලියන 38 ක් හෝ ඉන්දීය රුපියල් කෝටි 313 කි.

ඔහු 2019 වසරේ ඉන්දීය රුපියල් කෝටි 124ක වාර්ෂික ඉපැයීම් සමඟින් Forbes ඉන්දියාවේ කීර්තිමත් පුද්ගලයන් 100 දෙනාගේ ලැයිස්තුවේ 6 වැනියා විය.

Mawrata news.

 

Leave a Reply

Your email address will not be published. Required fields are marked *